SULI TRAMUNTA
Stinnicchiatu 'nterra taliu lu celo
zoccu c’è darreri stu velu?
'na fitta mi trapassa di punta a punta.
Va, suli,va, tramunta
vattini darreri 'na impinnata
dimmi ch'è finuta pure sta iurnata.
Dunni vegnu? dunni vaiu?
rispost nunn' haiu.
La vita è oramai cunsunta.
Va, suli,va, tramunta
scinitinni darreri 'na muntata
e fa ca nun veni n'avutra matinata.
Picchi semu a stu munnu?
E chiddi ca mureru dunni sunnu?
Affannu ca mi sentu nun si cunta.
Va, suli, va, tramunta
scinnitinni darreri 'na muntagna
e duna paci a stu cori ca si lagna
Signuri granni Diu
picchi nun ti viu?
A priariti st’anima s’affrunta
Va, suli, va, tramunta
scinnitinni ‘n funnu a lu mari
e dumani nun turnari chiù.
SOLE TRAMONTA - Disteso a terra guardo il cielo / cosa c’è dietro a questo velo? / Una a fitta mi percorre dalla testa ali pedi / Va, sole, va, tramonta / Vattene dietro questo colle / e dimmi ch’è finita pure questa giorno / Di dovei vengo? E dove vado? / risposti non ho / la vita è ormai consumata / Va, sole, va, tramonta / Scendi dietro questo pendio / E fa che non viene un’altra mattinata / Perchè siamo in questo mondo? / E quelli che sono morti dove sono? / L’affanno che mi sento non so dire / Va, sole, va, tramonta / discendi dietro una montagna / danda pace al cuore che si lamenta / Signore grande Dio / Perché non ti vedo? /A pregarti l’anima si vergogna / Va, sole, va, tramonta / scendi in fondo al mare / e domani non tornare più.